dil meñ ab yuuñ tire bhūle hue ġham aate haiñ
jaise bichhḌe hue kaabe meñ sanam aate haiñ

ek ik kar ke hue jaate haiñ taare raushan
merī manzil kī taraf tere qadam aate haiñ

raqs-e-mai tez karo saaz kī lai tez karo
sū-e-mai-ḳhāna safīrān-e-haram aate haiñ

kuchh hamīñ ko nahīñ ehsān uThāne kā dimāġh
vo to jab aate haiñ mā.il-ba-karam aate haiñ

aur kuchh der na guzre shab-e-furqat se kaho
dil bhī kam dukhtā hai vo yaad bhī kam aate haiñ

dil mein ab yun tere bhule hue gham aate hain
jaise bichhDe hue kabe mein sanam aate hain

ek ek kar ke hue jate hain tare raushan
meri manzil ki taraf tere qadam aate hain

raqs-e-mai tez karo saz ki lai tez karo
su-e-mai-KHana safiran-e-haram aate hain

kuchh hamin ko nahin ehsan uThane ka dimagh
wo to jab aate hain mail-ba-karam aate hain

aur kuchh der na guzre shab-e-furqat se kaho
dil bhi kam dukhta hai wo yaad bhi kam aate hain

Videos
This video is playing from YouTube Videos
This video is playing from YouTube Mehdi Hasan Firdausi Begum RECITATIONS Rita Ganguly



00:00/00:00 dil mein ab yun tere bhule hue gham aate hain Rita Ganguly

Source: Book : sargoshiyan zamanon ki (Pg. 47)