ham se qaa.em junūn-e-ulfat hai
yaanī sar-gashta-e-vafā haiñ ham

ek aalam ke dil meñ baste haiñ
yaanī ik dil-nashīñ adā haiñ ham

ishq se hai faroġh-e-rañg-e-jahāñ
ibtidā ham haiñ intihā haiñ ham

hum se qaem junun-e-ulfat hai
yani sar-gashta-e-wafa hain hum

ek aalam ke dil mein baste hain
yani ek dil-nashin ada hain hum

ishq se hai farogh-e-rang-e-jahan
ibtida hum hain intiha hain hum