tire badan kī nazākatoñ kā huā hai jab ham-rikāb mausam
nazar nazar meñ khilā gayā hai sharāratoñ ke gulāb mausam

ham apne gum-gashta valvaloñ par ḳhunuk havāoñ ke qahqahoñ kā
javāb dete jo saath laatā hamārā ahd-e-shabāb mausam

vo ek banjar zamīn ghar kī jo sun rahī thī sabhī ke ta.ane
ḳhushā ki is baar is zamīñ ko bhī de gayā ik gulāb mausam

amiir logoñ kī koThiyoñ tak tire ġhazab kī pahuñch kahāñ hai
faqat ġharīboñ ke jhoñpaḌoñ tak hai terā dast-itāb mausam

ye barf pighlegī choTiyoñ se paroñ meñ aa.egī phir harārat
bhareñge ūñchī uḌaan phir ham rahegā kab tak ḳharāb mausam

tere badan ki nazakaton ka hua hai jab ham-rikab mausam
nazar nazar mein khila gaya hai shararaton ke gulab mausam

hum apne gum-gashta walwalon par KHunuk hawaon ke qahqahon ka
jawab dete jo sath lata hamara ahd-e-shabab mausam

wo ek banjar zamin ghar ki jo sun rahi thi sabhi ke tane
KHusha ki is bar is zamin ko bhi de gaya ek gulab mausam

amir logon ki koThiyon tak tere ghazab ki pahunch kahan hai
faqat gharibon ke jhonpaDon tak hai tera dast-itab mausam

ye barf pighlegi choTiyon se paron mein aaegi phir hararat
bharenge unchi uDan phir hum rahega kab tak KHarab mausam

Source: Book : Ehsas Ki Hijrat (Pg. 67)