kisī mahal meñ na shāhoñ kī ān-bān meñ hai
sukūn jo kisī Dhābe ke sā.ebān meñ hai

maiñ us maqām par huuñ jaise koī ḳhālī haath
nigāh-e-hasrat-o-armāñ liye dukān meñ hai

darinde shahr meñ ābād ho ga.e saare
sunā hai saath kā jañgal baḌī amaan meñ hai

ye jāntā hai palaT kar use nahīñ aanā
vo apnī ziist kī khiñchtī huī kamān meñ hai

kisi mahal mein na shahon ki aan-ban mein hai
sukun jo kisi Dhabe ke saeban mein hai

main us maqam par hun jaise koi KHali hath
nigah-e-hasrat-o-arman liye dukan mein hai

darinde shahr mein aabaad ho gae sare
suna hai sath ka jangal baDi aman mein hai

ye jaanta hai palaT kar use nahin aana
wo apni zist ki khinchti hui kaman mein hai