Subscribe to our newsletter and get our newest updates

Nadeem Farrukh

  • Ghazal


bhul jaoge tum agar mujhko


bhuul jāoge tum agar mujh ko
kaun degā mirī ḳhabar mujh ko

martaba chāhtā huuñ kuchh maiñ bhī
ai mohabbat tabāh kar mujh ko

jo mujhe ek din meñ bhuul gayā
yaad aa.egā umr-bhar mujh ko

ai shab-e-ġham koī to aahaT kar
kaaT khā.egā merā ghar mujh ko

maiñ tire dil kā ek hissa huuñ
apne andar talāsh kar mujh ko

bhul jaoge tum agar mujh ko
kaun dega meri KHabar mujh ko

martaba chahta hun kuchh main bhi
ai mohabbat tabah kar mujh ko

jo mujhe ek din mein bhul gaya
yaad aaega umr-bhar mujh ko

ai shab-e-gham koi to aahaT kar
kaT khaega mera ghar mujh ko

main tere dil ka ek hissa hun
apne andar talash kar mujh ko


Source: Book : Idraaq (Pg. 113) Author : Gohar Usmani Publication : Gohar Usmani (1993) Edition : 1993

Leave a comment

+