ḳhvāb ā.īna kar rahī hai dil meñ
jo umr guzar rahī hai dil meñ

āhañg-e-vajūd ban ke har dam
ik mauj-e-digar rahī hai dil meñ

har saañs dhuāñ dhuāñ hai lekin
chāñdī c nikhar rahī hai dil meñ

mahkī huī dard kī chamelī
kyā raushnī bhar rahī hai dil meñ

bastī meñ jame rahe añdhere
be-tāb sahar rahī hai dil meñ

rah rah ke visāl kī tamannā
kyā kyā ras bhar rahī hai dil meñ

āvāra bhī ham hue to 'yūsuf'
ik samt-e-safar rahī hai dil meñ

KHwab aaina kar rahi hai dil mein
jo umr guzar rahi hai dil mein

aahang-e-wajud ban ke har dam
ek mauj-e-digar rahi hai dil mein

har sans dhuan dhuan hai lekin
chandi c nikhar rahi hai dil mein

mahki hui dard ki chameli
kya raushni bhar rahi hai dil mein

basti mein jame rahe andhere
be-tab sahar rahi hai dil mein

rah rah ke visal ki tamanna
kya kya ras bhar rahi hai dil mein

aawara bhi hum hue to 'yusuf'
ek samt-e-safar rahi hai dil mein