Subscribe to our newsletter and get our newest updates

Fani Badayuni

  • Ghazal


aah ab tak to be-asar na hui


aah ab tak to be-asar na huī
kuchh tumhīñ ko mirī ḳhabar na huī

shaam se fikr-e-sub.h kyā shab-e-hijr
mar raheñge agar sahar na huī

kis se dil kā surāġh pā.eñge ham
tū hī ai aarzū agar na huī

ḳhalq samjhī mujhī ko dīvāna
chāra farmā.e chārāgar na huī

kuchh nazar kah ga.ī zabāñ na khulī
baat un se huī magar na huī

shikva kyā un se ḳhūn-e-nāhaq kā
zindagī thī huī basar na huī

hashr kā din bhī Dhal gayā 'fānī'
dil kī rūdād muḳhtasar na huī

aah ab tak to be-asar na hui
kuchh tumhin ko meri KHabar na hui

sham se fikr-e-subh kya shab-e-hijr
mar rahenge agar sahar na hui

kis se dil ka suragh paenge hum
tu hi ai aarzu agar na hui

KHalq samjhi mujhi ko diwana
chaara farmae chaaragar na hui

kuchh nazar kah gai zaban na khuli
baat un se hui magar na hui

shikwa kya un se KHun-e-nahaq ka
zindagi thi hui basar na hui

hashr ka din bhi Dhal gaya 'fani'
dil ki rudad muKHtasar na hui

RECITATIONS Nomaan Shauque



00:00/00:00 aah ab tak to be-asar na hui Nomaan Shauque

Leave a comment

+