Subscribe to our newsletter and get our newest updates

Aashufta Changezi

  • Ghazal


gharaunde KHwabon ke suraj ke sath rakh lete


gharauñde ḳhvāboñ ke sūraj ke saath rakh lete
paroñ meñ dhuup ke ik kaalī raat rakh lete

hameñ ḳhabar thī zabāñ kholte hī kyā hogā
kahāñ kahāñ magar āñkhoñ pe haath rakh lete

tamām jañgoñ kā anjām mere naam huā
tum apne hisse meñ koī to maat rakh lete

kahā thā tum se ki ye rāsta bhī Thiik nahīñ
kabhī to qāfile vāloñ kī baat rakh lete

ye kyā kiyā ki sabhī kuchh gañvā ke baiTh ga.e
bharam to banda-e-maulā-sifāt rakh lete

maiñ bevafā huuñ chalo ye bhī maan letā huuñ
bhale bure hī sahī tajrabāt rakh lete

gharaunde KHwabon ke suraj ke sath rakh lete
paron mein dhup ke ek kali raat rakh lete

hamein KHabar thi zaban kholte hi kya hoga
kahan kahan magar aankhon pe hath rakh lete

tamam jangon ka anjam mere nam hua
tum apne hisse mein koi to mat rakh lete

kaha tha tum se ki ye rasta bhi Thik nahin
kabhi to qafile walon ki baat rakh lete

ye kya kiya ki sabhi kuchh ganwa ke baiTh gae
bharam to banda-e-maula-sifat rakh lete

main bewafa hun chalo ye bhi man leta hun
bhale bure hi sahi tajrabaat rakh lete

RECITATIONS Nomaan Shauque



00:00/00:00 gharaunde KHwabon ke suraj ke sath rakh lete Nomaan Shauque

Source: Deewan-e-Aagha

Leave a comment

+