Subscribe to our newsletter and get our newest updates

Wali Uzlat

  • Ghazal

KHuda hi pahunche fariyaadon ko humse be-nasibon ke


ḳhudā hī pahuñche fariyādoñ ko ham se be-nasīboñ ke
hamāre dil kabāb aur tū piye pyāle raqīboñ ke

ḳhizāñ meñ barg-e-gul aur ḳhār-o-ḳhas nahiñ sehn-e-gulshan meñ
paḌe haiñ laḳht-e-dil aur TuuTe naale andalīboñ ke

bahār aa.ī divāno sunte ho bulbul kī fariyādeñ
ye āvāze haiñ fauj-e-mausam-e-gul ke naqīboñ ke

ilāhī de nigāh-e-lutf ḳhush-chashmoñ ko ik pal bhī
ki ham bīmār mar ga.e naaz uThāte in tabīboñ ke

nagīñ ke tarz phir jaatā hai nām-e-'uzlat' us lab par
asar meñ be-suḳhan mere haiñ bargashta nasīboñ ke

KHuda hi pahunche fariyaadon ko hum se be-nasibon ke
hamare dil kabab aur tu piye pyale raqibon ke

KHizan mein barg-e-gul aur KHar-o-KHas nahin sehn-e-gulshan mein
paDe hain laKHt-e-dil aur TuTe nale andalibon ke

bahaar aai diwano sunte ho bulbul ki fariyaaden
ye aawaze hain fauj-e-mausam-e-gul ke naqibon ke

ilahi de nigah-e-lutf KHush-chashmon ko ek pal bhi
ki hum bimar mar gae naz uThate in tabibon ke

nagin ke tarz phir jata hai nam-e-'uzlat' us lab par
asar mein be-suKHan mere hain bargashta nasibon ke


Source: Intikhab Apna Apna

Leave a comment

+