is daur-e-āfiyat meñ ye kyā ho gayā hameñ
patta samajh ke le uḌī vahshī havā hameñ
patthar bane haiñ ijz bayānoñ ke sāmne
taḳhlīq-e-fan kā ḳhuub milā hai silā hameñ
ham ko tulū-e-sub.h-e-bahārāñ kī thī talāsh
is jurm kī sazā hai ye zanjīr-e-pā hameñ
ye daur-e-tez-gām bhī hai un se be-ḳhabar
vo manzileñ jo de ga.iiñ apnā pata hameñ
rāh-e-talab simaT ke qadam chūmne lagī
jab bhī koī harīf-e-safar mil gayā hameñ
zulmat kā daur kuchh bhī sahī satr-posh thā
kab raushnī ne jeb-o-garebāñ diyā hameñ
pas-manzar-e-bahār se ham be-ḳhabar na the
raas aa sakī na ḳhanda-e-gul kī sadā hameñ
ham ko to nazr-e-sail hue umr ho ga.ī
kashtī meñ DhūñDhtā hai magar nāḳhudā hameñ
is daur-e-afiyat mein ye kya ho gaya hamein
patta samajh ke le uDi wahshi hawa hamein
patthar bane hain ijz bayanon ke samne
taKHliq-e-fan ka KHub mila hai sila hamein
hum ko tulu-e-subh-e-bahaaran ki thi talash
is jurm ki saza hai ye zanjir-e-pa hamein
ye daur-e-tez-gam bhi hai un se be-KHabar
wo manzilen jo de gain apna pata hamein
rah-e-talab simaT ke qadam chumne lagi
jab bhi koi harif-e-safar mil gaya hamein
zulmat ka daur kuchh bhi sahi satr-posh tha
kab raushni ne jeb-o-gareban diya hamein
pas-manzar-e-bahaar se hum be-KHabar na the
ras aa saki na KHanda-e-gul ki sada hamein
hum ko to nazr-e-sail hue umr ho gai
kashti mein DhunDhta hai magar naKHuda hamein
Source: Book : Bujhte Lamhon ka Dhuaan (Pg. 100)
Leave a comment