Subscribe to our newsletter and get our newest updates

Kaleem Aajiz

  • Ghazal


shane ka bahut KHun-e-jigar jae hai pyare


shāne kā bahut ḳhūn-e-jigar jaa.e hai pyāre
tab zulf kahīñ tā-ba-kamar jaa.e hai pyāre

jis din koī ġham mujh pe guzar jaa.e hai pyāre
chehra tirā us roz nikhar jaa.e hai pyāre

ik ghar bhī salāmat nahīñ ab shahr-e-vafā meñ
tū aag lagāne ko kidhar jaa.e hai pyāre

rahne de jafāoñ kī kaḌī dhuup meñ mujh ko
saa.e meñ to har shaḳhs Thahar jaa.e hai pyāre

vo baat zarā sī jise kahte haiñ ġham-e-dil
samjhāne meñ ik umr guzar jaa.e hai pyāre

har-chand koī naam nahīñ merī ġhazal meñ
terī hī taraf sab kī nazar jaa.e pyāre

shane ka bahut KHun-e-jigar jae hai pyare
tab zulf kahin ta-ba-kamar jae hai pyare

jis din koi gham mujh pe guzar jae hai pyare
chehra tera us roz nikhar jae hai pyare

ek ghar bhi salamat nahin ab shahr-e-wafa mein
tu aag lagane ko kidhar jae hai pyare

rahne de jafaon ki kaDi dhup mein mujh ko
sae mein to har shaKHs Thahar jae hai pyare

wo baat zara si jise kahte hain gham-e-dil
samjhane mein ek umr guzar jae hai pyare

har-chand koi nam nahin meri ghazal mein
teri hi taraf sab ki nazar jae pyare

Videos
This video is playing from YouTube Videos
This video is playing from YouTube Kaleem Aajiz

Leave a comment

+