ik tire vasl ke liye maulā
hijr kaaTe haiñ an-gine maulā

ik sanā-ḳhvāñ thā mahv-e-hamd-e-yār
aur ham nāchte rahe maulā

maiñ jinheñ dil pe khaa.e phirtā huuñ
tire hisse ke rañj the maulā

vo jo tujh se uThe the vo parde
merī hastī pe paḌ ga.e maulā

sūrat-e-lā meñ terī sūrat ko
ham ne dekhā to ham hī the maulā

tujh ko ro ro manāyā karte the
tujh se kaise na rūThte maulā

tere bande bahut kamīne haiñ
hausle past ho ga.e maulā

ek tere wasl ke liye maula
hijr kaTe hain an-gine maula

ek sana-KHwan tha mahw-e-hamd-e-yar
aur hum nachte rahe maula

main jinhen dil pe khae phirta hun
tere hisse ke ranj the maula

wo jo tujh se uThe the wo parde
meri hasti pe paD gae maula

surat-e-la mein teri surat ko
hum ne dekha to hum hi the maula

tujh ko ro ro manaya karte the
tujh se kaise na ruThte maula

tere bande bahut kamine hain
hausle past ho gae maula