Subscribe to our newsletter and get our newest updates

Ghulam Rabbani Taban

  • Ghazal


lai teri mahfil mein mujhe aarzu-e-did


laa.ī tirī mahfil meñ mujhe ārzū-e-dīd
darpesh hai phir marhala-e-tūr kī tajdīd

māyūs tamannāoñ ko ai dost tirī yaad
jaise ufq-e-bīm pe ik aḳhtar-e-ummīd

ḳhud apnā qafas ban ga.ī kotāhi-e-parvāz
kuchh duur nahīñ varna jahān-e-mah-o-ḳhurshīd

ek ek adā shauq kī tahzīb pe maa.il
ek ek nazar shoḳhi-e-jazbāt kī tanqīd

jo ḳhud na samajh paa.e vo samjhā.e to kaise
afkār meñ ib.hām to guftār meñ tāqīd

jiinā bhī ibādat use piinā bhī ibādat
hāsil ho jise chashm-e-siyah-mast kī tā.īd

pindār-e-junūñ ho na sakā rām-e-gudā.ī
raas aa.e na 'tābāñ' mujhe altāf-e-sanādīd

lai teri mahfil mein mujhe aarzu-e-did
darpesh hai phir marhala-e-tur ki tajdid

mayus tamannaon ko ai dost teri yaad
jaise ufq-e-bim pe ek aKHtar-e-ummid

KHud apna qafas ban gai kotahi-e-parwaz
kuchh dur nahin warna jahan-e-mah-o-KHurshid

ek ek ada shauq ki tahzib pe mail
ek ek nazar shoKHi-e-jazbaat ki tanqid

jo KHud na samajh pae wo samjhae to kaise
afkar mein ibham to guftar mein taqid

jina bhi ibaadat use pina bhi ibaadat
hasil ho jise chashm-e-siyah-mast ki taid

pindar-e-junun ho na saka ram-e-gudai
ras aae na 'taban' mujhe altaf-e-sanadid


Source: Rooh-e-Ghazal,Pachas Sala Intekhab

Leave a comment

+