Subscribe to our newsletter and get our newest updates

Wahshat Raza Ali Kalkatvi

  • Ghazal


tere aashufta se kya haal-e-betabi bayan hoga


tire āshufta se kyā hāl-e-betābī bayāñ hogā
jabīn-e-shauq hogī aur terā āstāñ hogā

zabān-e-sham-e-mahfil se sunā hai ahl-e-mahfil ne
tirā anjām kyā parvāna-e-ātish-ba-jāñ hogā

talātum hai umīdoñ kā tasādum ārzūoñ kā
dil-e-hañgāma-parvar kaun terā rāzdāñ hogā

raheñ yūñhī agar rañgīniyāñ tarz-e-tabassum kī
mire zaḳhm-e-jigar par ḳhanda-e-gul kā gumāñ hogā

tajammul se guzar hogā tire kūche meñ āshiq kā
tamannāoñ kā lashkar kārvāñ-dar-kārvāñ hogā

kabhī taufīq tark-e-mā-sivā kī ho hī jā.egī
dil-e-āzād hogā aur aish-e-jāvedāñ hogā

surūr-afzā-o-mastī-ḳhez-o-shorish-āfrīñ hogī
vo bazm-e-sher jis meñ 'vahshat'-e-shevā-bayāñ hogā

tere aashufta se kya haal-e-betabi bayan hoga
jabin-e-shauq hogi aur tera aastan hoga

zaban-e-sham-e-mahfil se suna hai ahl-e-mahfil ne
tera anjam kya parwana-e-atish-ba-jaan hoga

talatum hai umidon ka tasadum aarzuon ka
dil-e-hangama-parwar kaun tera raazdan hoga

rahen yunhi agar ranginiyan tarz-e-tabassum ki
mere zaKHm-e-jigar par KHanda-e-gul ka guman hoga

tajammul se guzar hoga tere kuche mein aashiq ka
tamannaon ka lashkar karwan-dar-karwan hoga

kabhi taufiq tark-e-ma-siwa ki ho hi jaegi
dil-e-azad hoga aur aish-e-jawedan hoga

surur-afza-o-masti-KHez-o-shorish-afrin hogi
wo bazm-e-sher jis mein 'wahshat'-e-shewa-bayan hoga


Source: Book : Pakistani Adab (Pg. 371) Author : Dr. Rashid Amjad Publication : Pakistan Academy of Letters, Islambad, Pakistan (2009) Edition : 2009

Leave a comment

+