Subscribe to our newsletter and get our newest updates

Abbas Ali Khan Bekhud

  • Ghazal


kisi se ishq karna aur isko ba-KHabar karna


kisī se ishq karnā aur is ko bā-ḳhabar karnā
hai apne matlab-e-dushvār ko dushvār-tar karnā

nahīñ hai maut par kuchh iḳhtiyār ai vā-e-majbūrī
ummīd-e-marg meñ mushkil basar karnā magar karnā

jo par the māya-e-parvāz meñ vaj.h-e-girāñbārī
ġhurūr-e-bāl-o-par karnā to mujh ko dekh kar karnā

jafā kar shauq se tū zabt par mere na jā hargiz
shikāyat kyā mujhe ye kaam hai jab umr bhar karnā

jafā un kī vafā-parvar vafā merī jafā-parvar
vo un ko umr-bhar karnā ye mujh ko umr-bhar karnā

sar-e-rah pūchhte haiñ haal kyā kahiye ki mushkil hai
bayān-e-dard-e-dil karnā aur is ko muḳhtasar karnā

tavajjoh chāra-gar kī bā.is-e-taklīf hai 'beḳhud'
izāfa hai musībat meñ davāoñ kā asar karnā

kisi se ishq karna aur is ko ba-KHabar karna
hai apne matlab-e-dushwar ko dushwar-tar karna

nahin hai maut par kuchh iKHtiyar ai wa-e-majburi
ummid-e-marg mein mushkil basar karna magar karna

jo par the maya-e-parwaz mein wajh-e-giranbari
ghurur-e-baal-o-par karna to mujh ko dekh kar karna

jafa kar shauq se tu zabt par mere na ja hargiz
shikayat kya mujhe ye kaam hai jab umr bhar karna

jafa un ki wafa-parwar wafa meri jafa-parwar
wo un ko umr-bhar karna ye mujh ko umr-bhar karna

sar-e-rah puchhte hain haal kya kahiye ki mushkil hai
bayan-e-dard-e-dil karna aur is ko muKHtasar karna

tawajjoh chaara-gar ki bais-e-taklif hai 'beKHud'
izafa hai musibat mein dawaon ka asar karna


Leave a comment

+