nahīñ ki ishq nahīñ hai gul o saman se mujhe
dil-e-fasurda liye jaatā hai chaman se mujhe

misāl-e-sham.a hai ronā bhī aur jalnā bhī
yahī to fā.eda hai terī anjuman se mujhe

baḌhī hai yaas se kuchh aisī vahshat-e-ḳhātir
nikāl kar hī rahegī ye ab vatan se mujhe

aziiz agar nahīñ rakhtā na rakh zalīl hī rakh
magar nikāl na tū apnī anjuman se mujhe

vatan samajhne lagā huuñ maiñ dasht-e-ġhurbat ko
zamāna ho gayā nikle hue vatan se mujhe

mire bhī dāġh-e-jigar misl-e-lāla haiñ rañgīñ
hai chashmak us gul-e-ḳhūbī ke bāñkpan se mujhe

chhupā na gosha-nashīnī se rāz-e-dil 'vahshat'
ki jāntā hai zamāna mire suḳhan se mujhe

nahin ki ishq nahin hai gul o saman se mujhe
dil-e-fasurda liye jata hai chaman se mujhe

misal-e-shama hai rona bhi aur jalna bhi
yahi to faeda hai teri anjuman se mujhe

baDhi hai yas se kuchh aisi wahshat-e-KHatir
nikal kar hi rahegi ye ab watan se mujhe

aziz agar nahin rakhta na rakh zalil hi rakh
magar nikal na tu apni anjuman se mujhe

watan samajhne laga hun main dasht-e-ghurbat ko
zamana ho gaya nikle hue watan se mujhe

mere bhi dagh-e-jigar misl-e-lala hain rangin
hai chashmak us gul-e-KHubi ke bankpan se mujhe

chhupa na gosha-nashini se raaz-e-dil 'wahshat'
ki jaanta hai zamana mere suKHan se mujhe

RECITATIONS Nomaan Shauque



00:00/00:00 nahin ki ishq nahin hai gul o saman se mujhe Nomaan Shauque