pesh-e-manzar jo tamāshe the pas-e-manzar bhī the
ham hī the māl-e-ġhanīmat ham hī ġhārat-gar bhī the

āstīnoñ meñ chhupā kar saañp bhī laa.e the log
shahr kī is bhiiḌ meñ kuchh log bāzīgar bhī the

barf-manzar dhuul ke bādal havā ke qahqahe
jo kabhī dahlīz ke bāhar the vo andar bhī the

āḳhir-e-shab dard kī TuuTī huī baisākhiyāñ
āḌe-tirchhe zāviye mausam ke chehre par bhī the

raat ham ne jugnuoñ kī sab dukāneñ bech diiñ
sub.h ko nīlām karne ke liye kuchh ghar bhī the

kuchh bilā-unvān rishte ajnabī sargoshiyāñ
ratjagoñ ke jashn meñ zaḳhmoñ ke saudāgar bhī the

shab-parastoñ ke nagar meñ but-parastī hī na thī
vahshateñ thiiñ sañg-e-marmar bhī thā kārīgar bhī the

is ḳharābe meñ na.e mausam kī sāzish thī to 'rind'
lazzat-e-ehsās ke lamhoñ ke jalte par bhī the

pesh-e-manzar jo tamashe the pas-e-manzar bhi the
hum hi the mal-e-ghanimat hum hi ghaarat-gar bhi the

aastinon mein chhupa kar sanp bhi lae the log
shahr ki is bhiD mein kuchh log bazigar bhi the

barf-manzar dhul ke baadal hawa ke qahqahe
jo kabhi dahliz ke bahar the wo andar bhi the

aaKHir-e-shab dard ki TuTi hui baisakhiyan
aaDe-tirchhe zawiye mausam ke chehre par bhi the

raat hum ne jugnuon ki sab dukanen bech din
subh ko nilam karne ke liye kuchh ghar bhi the

kuchh bila-unwan rishte ajnabi sargoshiyan
ratjagon ke jashn mein zaKHmon ke saudagar bhi the

shab-paraston ke nagar mein but-parasti hi na thi
wahshaten thin sang-e-marmar bhi tha karigar bhi the

is KHarabe mein nae mausam ki sazish thi to 'rind'
lazzat-e-ehsas ke lamhon ke jalte par bhi the

Videos
This video is playing from YouTube Videos
This video is playing from YouTube P P Srivastava Rind RECITATIONS P P Srivastava Rind



00:00/00:00 pesh-e-manzar jo tamashe the pas-e-manzar bhi the P P Srivastava Rind

Pachas Sala Intekhab"