Subscribe to our newsletter and get our newest updates

Zafar Ghauri

  • Ghazal


TuTe taKHte par samundar par karne aae the


TuuTe taḳhte par samundar paar karne aa.e the
ham-safar tūfān-e-ġham se pyaar karne aa.e the

Dar ke jañgal kī fazā se pīchhe pīchhe ho liye
log chhup kar qāfile par vaar karne aa.e the

is gunah par mil rahī hai sañg-sārī kī saazī
pattharoñ ko niiñd se bedār karne aa.e the

log samjhe apnī sachchā.ī kī ḳhātir jaan dī
varna ham to jurm kā iqrār karne aa.e the

vo bhī karb-e-ḳhud-bayānī meñ 'zafar' ġhaltāñ milā
jis se apnī zaat kā iz.hār karne aa.e the

TuTe taKHte par samundar par karne aae the
ham-safar tufan-e-gham se pyar karne aae the

Dar ke jangal ki faza se pichhe pichhe ho liye
log chhup kar qafile par war karne aae the

is gunah par mil rahi hai sang-sari ki sazi
pattharon ko nind se bedar karne aae the

log samjhe apni sachchai ki KHatir jaan di
warna hum to jurm ka iqrar karne aae the

wo bhi karb-e-KHud-bayani mein 'zafar' ghaltan mila
jis se apni zat ka izhaar karne aae the


Leave a comment

+