mirī bhañvoñ ke ain darmiyān ban gayā
jabīñ pe intizār kā nishān ban gayā

sunā huā thā hijr mustaqil tanāv hai
vahī huā mirā badan kamān ban gayā

muhīb chup meñ āhaToñ kā vāhima havā
maiñ sar se paañv tak tamām kaan ban gayā

havā se raushnī se rābta nahīñ rahā
jidhar thiiñ khiḌkiyāñ udhar makān ban gayā

shurūa din se ghar maiñ sun rahā thā is liye
sukūt merī mādarī zabān ban gayā

aur ek din khiñchī huī lakīr miT ga.ī
gumāñ yaqīñ banā yaqīñ gumān ban gayā

ka.ī ḳhafīf ġham mile malāl ban ga.e
zarā zarā sī katranoñ se thaan ban gayā

mire baḌoñ ne ādatan chunā thā ek dasht
vo bas gayā 'rahīm' yār-ḳhān ban gayā

meri bhanwon ke ain darmiyan ban gaya
jabin pe intizar ka nishan ban gaya

suna hua tha hijr mustaqil tanaw hai
wahi hua mera badan kaman ban gaya

muhib chup mein aahaTon ka wahima hawa
main sar se panw tak tamam kan ban gaya

hawa se raushni se rabta nahin raha
jidhar thin khiDkiyan udhar makan ban gaya

shurua din se ghar main sun raha tha is liye
sukut meri madari zaban ban gaya

aur ek din khinchi hui lakir miT gai
guman yaqin bana yaqin guman ban gaya

kai KHafif gham mile malal ban gae
zara zara si katranon se than ban gaya

mere baDon ne aadatan chuna tha ek dasht
wo bas gaya 'rahim' yar-KHan ban gaya

Videos
This video is playing from YouTube Videos
This video is playing from YouTube Umair Najmi

6 April To Sep. 1998"