Subscribe to our newsletter and get our newest updates

Ghazanfar

  • Ghazal


ajib shaKHs hai pahle mujhe hansata hai


ajiib shaḳhs hai pahle mujhe hañsātā hai
phir is ke ba.ad bahut der tak rulātā hai

vo bevafā hai hamesha hī dil dukhātā hai
magar ye kyā ki vahī ek ham ko bhātā hai

vo hosh gosh kā insāñ hai phir bhī sahrā meñ
kisī divāne kī sūrat sadā lagātā hai

ḳhizar to aate nahīñ haiñ mire ḳharābe meñ
ye kaun hai jo mujhe rāsta dikhātā hai

har ek raat kahīñ duur bhaag jaatā huuñ
har ek sub.h koī mujh ko khīñch laatā hai

kabhī vo mujh ko uḌātā hai āsmānoñ meñ
kabhī zamīn pe lā kar mujhe girātā hai

ajib shaKHs hai pahle mujhe hansata hai
phir is ke baad bahut der tak rulata hai

wo bewafa hai hamesha hi dil dukhata hai
magar ye kya ki wahi ek hum ko bhata hai

wo hosh gosh ka insan hai phir bhi sahra mein
kisi diwane ki surat sada lagata hai

KHizar to aate nahin hain mere KHarabe mein
ye kaun hai jo mujhe rasta dikhata hai

har ek raat kahin dur bhag jata hun
har ek subh koi mujh ko khinch lata hai

kabhi wo mujh ko uData hai aasmanon mein
kabhi zamin pe la kar mujhe giraata hai


Leave a comment

+