ab hai kyā laakh badal chashm-e-gurezāñ kī tarah
maiñ huuñ zinda tire TuuTe hue paimāñ kī tarah

koī dastak koī aahaT na shanāsā āvāz
ḳhaak uḌtī hai dar-e-dil pe bayābāñ kī tarah

tū mirī zaat mirī ruuh mirā husn-e-kalām
dekh ab to na badal gardish-e-daurāñ kī tarah

maiñ ne jab ġhaur se dekhā to vo patthar niklā
varna vo husn nazar aatā thā insāñ kī tarah

ab maiñ kis naaz pe kah duuñ ki use kar le qubūl
dil to sad-chāk hai muflis ke garebāñ kī tarah

abhī kuchh kār-e-mohabbat hai mujhe duniyā meñ
zindagī ḳhatm na ho sohbat-e-yārāñ kī tarah

maiñ tirī bazm se niklā thā nazar kī kī sūrat
ab na yuuñ dekh mujhe dīda-e-hairāñ kī tarah

barq ban kar mire ḳhirman ko jalāne vaale
tū hī barsā thā kabhī abr-e-bahārāñ kī tarah

ab hai kya lakh badal chashm-e-gurezan ki tarah
main hun zinda tere TuTe hue paiman ki tarah

koi dastak koi aahaT na shanasa aawaz
KHak uDti hai dar-e-dil pe bayaban ki tarah

tu meri zat meri ruh mera husn-e-kalam
dekh ab to na badal gardish-e-dauran ki tarah

main ne jab ghaur se dekha to wo patthar nikla
warna wo husn nazar aata tha insan ki tarah

ab main kis naz pe kah dun ki use kar le qubul
dil to sad-chaak hai muflis ke gareban ki tarah

abhi kuchh kar-e-mohabbat hai mujhe duniya mein
zindagi KHatm na ho sohbat-e-yaran ki tarah

main teri bazm se nikla tha nazar ki ki surat
ab na yun dekh mujhe dida-e-hairan ki tarah

barq ban kar mere KHirman ko jalane wale
tu hi barsa tha kabhi abr-e-bahaaran ki tarah

Videos
This video is playing from YouTube Videos
This video is playing from YouTube Zaheer Kashmiri

Source: Rooh-e-Ghazal,Pachas Sala Intekhab