Subscribe to our newsletter and get our newest updates

Dil Ayubi

  • Ghazal


KHair se ab hai wahan aap ka bimar ki bas


ḳhair se ab hai vahāñ aap kā bīmār ki bas
is qadar der lagā dī mire sarkār ki bas

ser hotā hī nahīñ zauq-e-tamāshā lekin
mujh se kahtī hai mirī jur.at-e-dīdār ki bas

hijr ke naam pe bhī vasl ke unvān se bhī
ishq ne itne diye haiñ mujhe āzār ki bas

kis qadar thī vo nazar ā.ina-kirdār na pūchh
is qadar chuur huā hai but-e-pindār ki bas

na ġham-e-dil ke hī bas ke na ġham-e-daurāñ ke
itne āzād hue tere giraftār ki bas

KHair se ab hai wahan aap ka bimar ki bas
is qadar der laga di mere sarkar ki bas

ser hota hi nahin zauq-e-tamasha lekin
mujh se kahti hai meri jurat-e-didar ki bas

hijr ke nam pe bhi wasl ke unwan se bhi
ishq ne itne diye hain mujhe aazar ki bas

kis qadar thi wo nazar aaina-kirdar na puchh
is qadar chur hua hai but-e-pindar ki bas

na gham-e-dil ke hi bas ke na gham-e-dauran ke
itne aazad hue tere giraftar ki bas


Leave a comment

+