Subscribe to our newsletter and get our newest updates

Zafar Rabab

  • Ghazal


saneha roz naya ho to ghazal kya kahiye


sāneha roz nayā ho to ġhazal kyā kahiye
har taraf hashr bapā ho to ġhazal kyā kahiye

barbariyyat pe hī qadġhan hai na saffākī par
raqs-e-iblīs ravā ho to ġhazal kyā kahiye

tīr-e-bārāñ mere pindār pe haiñ ahl-e-jafā
izzat-e-nafs fanā ho to ġhazal kyā kahiye

bolnā bhī yahāñ dushvār hai chup rahnā bhī
qufl hoñToñ pe lagā ho to ġhazal kyā kahiye

ek nāsūr sā hai dil kī jagah siine meñ
zaḳhm andar se harā ho to ġhazal kyā kahiye

bhuuk ne talḳhiyāñ bhar dī haiñ lab-o-lahje meñ
zahr fāqoñ meñ ghulā ho to ġhazal kyā kahiye

dam ġharībī meñ nikaltā na Thahartā hai 'rabāb'
zindagī sard chitā ho to ġhazal kyā kahiye

saneha roz naya ho to ghazal kya kahiye
har taraf hashr bapa ho to ghazal kya kahiye

barbariyyat pe hi qadghan hai na saffaki par
raqs-e-iblis rawa ho to ghazal kya kahiye

tir-e-baran mere pindar pe hain ahl-e-jafa
izzat-e-nafs fana ho to ghazal kya kahiye

bolna bhi yahan dushwar hai chup rahna bhi
qufl honTon pe laga ho to ghazal kya kahiye

ek nasur sa hai dil ki jagah sine mein
zaKHm andar se hara ho to ghazal kya kahiye

bhuk ne talKHiyan bhar di hain lab-o-lahje mein
zahr faqon mein ghula ho to ghazal kya kahiye

dam gharibi mein nikalta na Thaharta hai 'rabab'
zindagi sard chita ho to ghazal kya kahiye


Source: Rooh-e-Ghazal,Pachas Sala Intekhab

Leave a comment

+