vahm hai hast bhī niist bhī vahm hai
dīn-o-duniyā kī har ik galī vahm hai

kaisī āvāz hai kaan phaT jā.eñge
hai bhī yā ye mirā dā.imī vahm hai

ye tamāshā-e-ilm-o-hunar dosto
kuchh nahīñ hai faqat kāġhzī vahm hai

khīñch lī hai kamāñ maiñ ne iz.hār kī
ab zarā phir kaho zindagī vahm hai

itnā hassās huuñ jitnā koī nahīñ
maan lo na 'razā' āḳhirī vahm hai

wahm hai hast bhi nist bhi wahm hai
din-o-duniya ki har ek gali wahm hai

kaisi aawaz hai kan phaT jaenge
hai bhi ya ye mera daimi wahm hai

ye tamasha-e-ilm-o-hunar dosto
kuchh nahin hai faqat kaghzi wahm hai

khinch li hai kaman main ne izhaar ki
ab zara phir kaho zindagi wahm hai

itna hassas hun jitna koi nahin
man lo na 'raza' aaKHiri wahm hai