is liye dil burā kiyā hī nahīñ
zindagī merā faisla hī nahīñ

is qadar shor thā mire sar meñ
apnī āvāz par rukā hī nahīñ

baḌī ḳhvāhish thī mujh ko hone kī
ho gayā huuñ to kuchh huā hī nahīñ

zulm kartā huuñ zulm sahtā huuñ
maiñ kabhī chain se rahā hī nahīñ

paḌ gayā hai ḳhudā se kaam mujhe
aur ḳhudā kā koī pata hī nahīñ

toḌ Daalo ye haath paañv mire
jism kā to muqābla hī nahīñ

tum kahāñ ho zarā sadā to do
is se aage to rāsta hī nahīñ

is liye dil bura kiya hi nahin
zindagi mera faisla hi nahin

is qadar shor tha mere sar mein
apni aawaz par ruka hi nahin

baDi KHwahish thi mujh ko hone ki
ho gaya hun to kuchh hua hi nahin

zulm karta hun zulm sahta hun
main kabhi chain se raha hi nahin

paD gaya hai KHuda se kaam mujhe
aur KHuda ka koi pata hi nahin

toD Dalo ye hath panw mere
jism ka to muqabla hi nahin

tum kahan ho zara sada to do
is se aage to rasta hi nahin

RECITATIONS Nomaan Shauque



00:00/00:00 is liye dil bura kiya hi nahin Nomaan Shauque