Subscribe to our newsletter and get our newest updates

Hafeez Jalandhari

  • Ghazal


wafadariyan saKHt nadaniyan hain


vafādāriyāñ saḳht nādāniyāñ haiñ
ki in ke natīje pashemāniyāñ haiñ

pashemāniyāñ haiñ gunāhoñ pe lekin
baḌe hī maze kī pashemāniyāñ haiñ

mirī zindagī par ta.ajjub nahīñ thā
mirī maut par un ko hairāniyāñ haiñ

mohabbat karo aur nibāho to pūchhūñ
ye dushvāriyāñ haiñ ki āsāniyāñ haiñ

nadāmat huī hashr meñ jin ke badle
javānī kī do chaar nādāniyāñ haiñ

mirā tajraba hai ki is zindagī meñ
pareshāniyāñ hī pareshāniyāñ haiñ

wafadariyan saKHt nadaniyan hain
ki in ke natije pashemaniyan hain

pashemaniyan hain gunahon pe lekin
baDe hi maze ki pashemaniyan hain

meri zindagi par tajjub nahin tha
meri maut par un ko hairaniyan hain

mohabbat karo aur nibaho to puchhun
ye dushwariyan hain ki aasaniyan hain

nadamat hui hashr mein jin ke badle
jawani ki do chaar nadaniyan hain

mera tajraba hai ki is zindagi mein
pareshaniyan hi pareshaniyan hain


Leave a comment

+