Subscribe to our newsletter and get our newest updates

Abdul Hafiz Naeemi

  • Ghazal


dua ko hath mera jab kabhi uTha hoga


duā ko haath mirā jab kabhī uThā hogā
qazā-o-qadr kā chehra utar gayā hogā

jo apne hāthoñ luTe haiñ bas is pe zinda haiñ
ḳhudā kuchh un ke liye bhī to sochtā hogā

tirī galī meñ koī saa.e raat bhar ab bhī
surāġh-e-jannat gum-gashta DhūñDtā hogā

jo ġham kī aañch meñ pighlā kiyā aur aah na kī
vo aadmī to nahīñ koī devtā hogā

tumhāre sañg-e-taġhāful kā kyuuñ kareñ shikva
is aa.ine kā muqaddar hī TūTnā hogā

hai mere qatl kī shāhid vo āstīñ bhī magar
maiñ kis kā naam luuñ sau baar sochnā hogā

ye merī pyaas ke sāġhar tere laboñ kī sharāb
ravāj-o-rasm-e-mohabbat kā mojaza hogā

phir aarzū ke khañDar rañg-o-bū meñ Duub chale
fareb-ḳhurda koī ḳhvāb dekhtā hogā

sitāre bhī tirī yādoñ ke bujhte jaate haiñ
ġham-e-hayāt kā sūraj nikal rahā hogā

sadā kise deñ 'na.īmī' kise dikhā.eñ zaḳhm
ab itnī raat ga.e kaun jāgtā hogā

dua ko hath mera jab kabhi uTha hoga
qaza-o-qadr ka chehra utar gaya hoga

jo apne hathon luTe hain bas is pe zinda hain
KHuda kuchh un ke liye bhi to sochta hoga

teri gali mein koi sae raat bhar ab bhi
suragh-e-jannat gum-gashta DhunDta hoga

jo gham ki aanch mein pighla kiya aur aah na ki
wo aadmi to nahin koi dewta hoga

tumhaare sang-e-taghaful ka kyun karen shikwa
is aaine ka muqaddar hi TuTna hoga

hai mere qatl ki shahid wo aastin bhi magar
main kis ka nam lun sau bar sochna hoga

ye meri pyas ke saghar tere labon ki sharab
rawaj-o-rasm-e-mohabbat ka mojaza hoga

phir aarzu ke khanDar rang-o-bu mein Dub chale
fareb-KHurda koi KHwab dekhta hoga

sitare bhi teri yaadon ke bujhte jate hain
gham-e-hayat ka suraj nikal raha hoga

sada kise den 'naimi' kise dikhaen zaKHm
ab itni raat gae kaun jagta hoga


Leave a comment

+