Subscribe to our newsletter and get our newest updates

Kaif Bhopali

  • Ghazal


gardish-e-arz-o-samawat ne jine na diya


gardish-e-arz-o-samāvāt ne jiine na diyā
kaT gayā din to hameñ raat ne jiine na diyā

kuchh mohabbat ko na thā chain se rakhnā manzūr
aur kuchh un kī ināyāt ne jiine na diyā

hādsa hai ki tire sar pe na ilzām aayā
vāqi.a hai ki tirī zaat ne jiine na diyā

'kaif' ke bhūlne vaale ko ḳhabar ho ki use
sadma-e-tark-e-mulāqāt ne jiine na diyā

gardish-e-arz-o-samawat ne jine na diya
kaT gaya din to hamein raat ne jine na diya

kuchh mohabbat ko na tha chain se rakhna manzur
aur kuchh un ki inayat ne jine na diya

hadsa hai ki tere sar pe na ilzam aaya
waqia hai ki teri zat ne jine na diya

'kaif' ke bhulne wale ko KHabar ho ki use
sadma-e-tark-e-mulaqat ne jine na diya


Leave a comment

+