Subscribe to our newsletter and get our newest updates

B S Jain Jauhar

  • Ghazal


ghaTa sawan ki umDi aa rahi hai


ghaTā sāvan kī umDī aa rahī hai
payām-e-ashk bhar bhar lā rahī hai

ragoñ meñ ḳhuun gardish kar rahā hai
javānī sāz-e-dil par gā rahī hai

rulātā hai unheñ bhī kyā ye sāvan
mujhe kaalī ghaTā taḌpā rahī hai

tarannum-ḳhez jamunā ke kināre
kisī kī yaad paiham aa rahī hai

ghaTa sawan ki umDi aa rahi hai
payam-e-ashk bhar bhar la rahi hai

ragon mein KHun gardish kar raha hai
jawani saz-e-dil par ga rahi hai

rulata hai unhen bhi kya ye sawan
mujhe kali ghaTa taDpa rahi hai

tarannum-KHez jamuna ke kinare
kisi ki yaad paiham aa rahi hai


Source: Rooh-e-Ghazal,Pachas Sala Intekhab

Leave a comment

+