phir vahī raat jo tanhā.ī ke āġhosh rahī
ik unīdī sī ġhazal ḳhvāb meñ mad.hosh rahī

ham se vo ajnabī aur un se the anjāne ham
tā-abad yuuñ hī mohabbat ye farāmosh rahī

parda-e-chashm meñ yādoñ ke zaḳhīre pur-shor
jhāñktī un se jo tanhā.ī vo ḳhāmosh rahī

jab talak pahuñchī na vo mahfiloñ se mahfiloñ meñ
tab talak merī vo rusvā.ī bhī pur-josh rahī

kyuuñ ho sharminda vo insāñ ke jarā.em par yuuñ
kyuuñ zamīñ shab kī siyāhī meñ ridā-posh rahī

aañkh pe chhā.e haiñ armān jo the zer-e-dil
dāstāñ har yahāñ ho ke dhuāñ rū-posh rahī

baat phislī thī jo kānoñ meñ zabāñ se laTkī
tauq ban ke vo hī tā-umr sar-e-dosh rahī

phir wahi raat jo tanhai ke aaghosh rahi
ek unidi si ghazal KHwab mein madhosh rahi

hum se wo ajnabi aur un se the anjaane hum
ta-abad yun hi mohabbat ye faramosh rahi

parda-e-chashm mein yaadon ke zaKHire pur-shor
jhankti un se jo tanhai wo KHamosh rahi

jab talak pahunchi na wo mahfilon se mahfilon mein
tab talak meri wo ruswai bhi pur-josh rahi

kyun ho sharminda wo insan ke jaraem par yun
kyun zamin shab ki siyahi mein rida-posh rahi

aankh pe chhae hain arman jo the zer-e-dil
dastan har yahan ho ke dhuan ru-posh rahi

baat phisli thi jo kanon mein zaban se laTki
tauq ban ke wo hi ta-umr sar-e-dosh rahi