Subscribe to our newsletter and get our newest updates

Kaleem Aajiz

  • Ghazal


mere hi lahu par guzar-auqat karo ho


mere hī lahū par guzar-auqāt karo ho
mujh se hī amīroñ kī tarah baat karo ho

din ek sitam ek sitam raat karo ho
vo dost ho dushman ko bhī tum maat karo ho

ham ḳhāk-nashīñ tum suḳhan-ārā-e-sar-e-bām
paas aa ke milo duur se kyā baat karo ho

ham ko jo milā hai vo tumhīñ se to milā hai
ham aur bhulā deñ tumheñ kyā baat karo ho

yuuñ to kabhī muñh pher ke dekho bhī nahīñ ho
jab vaqt paḌe hai to mudārāt karo ho

dāman pe koī chhīñT na ḳhanjar pe koī daaġh
tum qatl karo ho ki karāmāt karo ho

bakne bhī do 'ājiz' ko jo bole hai bake hai
dīvāna hai dīvāne se kyā baat karo ho

mere hi lahu par guzar-auqat karo ho
mujh se hi amiron ki tarah baat karo ho

din ek sitam ek sitam raat karo ho
wo dost ho dushman ko bhi tum mat karo ho

hum KHak-nashin tum suKHan-ara-e-sar-e-baam
pas aa ke milo dur se kya baat karo ho

hum ko jo mila hai wo tumhin se to mila hai
hum aur bhula den tumhein kya baat karo ho

yun to kabhi munh pher ke dekho bhi nahin ho
jab waqt paDe hai to mudaraat karo ho

daman pe koi chhinT na KHanjar pe koi dagh
tum qatl karo ho ki karamat karo ho

bakne bhi do 'ajiz' ko jo bole hai bake hai
diwana hai diwane se kya baat karo ho

Videos
This video is playing from YouTube Videos
This video is playing from YouTube Unknown

Source: Book : Aiwan (Pg. 41) Author : Manazir Ashiq Harganvi & Shahid Nayeem Publication : Nirali Duniya (1998) Edition : 1998

Leave a comment

+