Subscribe to our newsletter and get our newest updates

Abdul Ahad Saaz

  • Ghazal


har ek dhaDkan ajab aahaT


har ik dhaḌkan ajab aahaT
parindoñ jaisī ghabrāhaT

mire lahje meñ shīrīnī
mirī āñkhoñ meñ kaḌvāhaT

mirī pahchān hai shāyad
mire hisse kī uktāhaT

simaTtā sher hai.at meñ
badan kī sī ye gadrāhaT

misr maiñ fan mirā zid par
ye bālak haT vo tiryāhaT

ujāle Das na leñ is ko
bachā rakkho ye dhuñdlāhaT

lahū kī sīḌhiyoñ par hai
koī baḌhtī huī aahaT

har ek dhaDkan ajab aahaT
parindon jaisi ghabrahaT

mere lahje mein shirini
meri aankhon mein kaDwahaT

meri pahchan hai shayad
mere hisse ki uktahaT

simaTta sher haiat mein
badan ki si ye gadrahaT

misr main fan mera zid par
ye baalak haT wo tiryahaT

ujale Das na len is ko
bacha rakkho ye dhundlahaT

lahu ki siDhiyon par hai
koi baDhti hui aahaT


Pachas Sala Intekhab"

Leave a comment

+