nashāt-e-ārzū kā aur kyā anjām likkhūñgā
use bhī ik-na-ik din hasrat-e-nākām likkhūñgā

mirī rūdād-e-dil kī ibtidā tum intihā bhī tum
tumhārā tazkira kaise barā.e-nām likhūñgā

qalam kī raushnā.ī jaane kyā ilzām de mujh ko
maiñ apnī sub.h ke aurāq par jab shaam likkhūñgā

kitāb-e-ishq jab bhī zindagī likhvā.egī mujh se
vafā ke baab meñ pahle tumhārā naam likkhūñgā

tirī furqat meñ khoyā maiñ tirī qurbat meñ kyā paayā
na ye taklīf likkhūñgā na vo ārām likkhūñgā

mirī sub.heñ ḳhafā hoñ yā hoñ bargashta mirī shāmeñ
diyā hai dopahar ne jo mujhe in.aam likkhūñgā

sar-e-mizhgāñ jo aḳhtar ban ke chamke the 'na.īm-aḳhtar'
maiñ apnī zindagī un āñsuoñ ke naam likkhūñgā

nashat-e-arzu ka aur kya anjam likkhunga
use bhi ik-na-ik din hasrat-e-nakaam likkhunga

meri rudad-e-dil ki ibtida tum intiha bhi tum
tumhaara tazkira kaise barae-nam likhunga

qalam ki raushnai jaane kya ilzam de mujh ko
main apni subh ke auraq par jab sham likkhunga

kitab-e-ishq jab bhi zindagi likhwaegi mujh se
wafa ke bab mein pahle tumhaara nam likkhunga

teri furqat mein khoya main teri qurbat mein kya paya
na ye taklif likkhunga na wo aaram likkhunga

meri subhen KHafa hon ya hon bargashta meri shamen
diya hai dopahar ne jo mujhe inam likkhunga

sar-e-mizhgan jo aKHtar ban ke chamke the 'naim-aKHtar'
main apni zindagi un aansuon ke nam likkhunga

Source: Rooh-e-Ghazal,Pachas Sala Intekhab