Subscribe to our newsletter and get our newest updates

Dipak Prajapati Khaalis

  • Ghazal


jab kabhi bhi is jahan se ruKHsati mujhko mile


jab kabhī bhī is jahāñ se ruḳhsatī mujh ko mile
qabl is se ai ḳhudā kuchh zindagī mujh ko mile

maiñ to zinda huuñ añdheroñ par so mujh ko hai ye Dar
mar na jā.ūñ maiñ agar kuchh raushnī mujh ko mile

umr bhar maiñ apne aañsū āb-sūrat pī sakūñ
chāhtā huuñ is tarah kī tishnagī mujh ko mile

ik zarā dekhe se mere nafrateñ ho jaa.eñ ḳhatm
mil sake mujh ko to ye jādūgarī mujh ko mile

jaisā bāhar se ho vaisā hī vo andar se bhī ho
kaash is duniyā meñ aisā aadmī mujh ko mile

kyoñ mirī qismat meñ us ne dard-o-ġham kuchh kam likhe
pūchh lūñgā maiñ ḳhudā se gar kabhī mujh ko mile

jab kabhi bhi is jahan se ruKHsati mujh ko mile
qabl is se ai KHuda kuchh zindagi mujh ko mile

main to zinda hun andheron par so mujh ko hai ye Dar
mar na jaun main agar kuchh raushni mujh ko mile

umr bhar main apne aansu aab-surat pi sakun
chahta hun is tarah ki tishnagi mujh ko mile

ek zara dekhe se mere nafraten ho jaen KHatm
mil sake mujh ko to ye jadugari mujh ko mile

jaisa bahar se ho waisa hi wo andar se bhi ho
kash is duniya mein aisa aadmi mujh ko mile

kyon meri qismat mein us ne dard-o-gham kuchh kam likhe
puchh lunga main KHuda se gar kabhi mujh ko mile


Source: Rooh-e-Ghazal,Pachas Sala Intekhab

Leave a comment

+