Subscribe to our newsletter and get our newest updates

Dilshad Naseem

  • Ghazal


rasta koi dekhta hoga


rāsta koī dekhtā hogā
koī aage nikal gayā hogā

raat pahlū meñ so ga.ī mere
raat ko chain aa gayā hogā

mirī āñkhoñ meñ ashk aane lage
kyā mujhe ishq ab atā hogā

jis ko maazī sukūn detā hai
kis tarah mujh ko bhūltā hogā

ḳhūbsūrat haiñ is liye patthar
koī in meñ ḳhudā rahā hogā

zindagī talḳh to nahīñ lekin
vāqi.a koī ho gayā hogā

naam bhī merā is ko yaad nahīñ
aur kaise koī judā hogā

dekho 'dilshād' ġham nahīñ karte
kabhī vo bhī to mubtalā hogā

rasta koi dekhta hoga
koi aage nikal gaya hoga

raat pahlu mein so gai mere
raat ko chain aa gaya hoga

meri aankhon mein ashk aane lage
kya mujhe ishq ab ata hoga

jis ko mazi sukun deta hai
kis tarah mujh ko bhulta hoga

KHubsurat hain is liye patthar
koi in mein KHuda raha hoga

zindagi talKH to nahin lekin
waqia koi ho gaya hoga

nam bhi mera is ko yaad nahin
aur kaise koi juda hoga

dekho 'dilshad' gham nahin karte
kabhi wo bhi to mubtala hoga


Leave a comment

+