Subscribe to our newsletter and get our newest updates

Taj Bhopali

  • Ghazal


har dard se bandhe hue rishta koi guzre


har dard se bāñdhe hue rishta koī guzre
qātil koī guzre na masīhā koī guzre

ā.īna ba-har-rāh-guzar ban ga.iiñ āñkheñ
ik umr se baiThe haiñ ki tum sā koī guzre

vo tishnagī-e-jāñ hai ki sahrā ko taras aa.e
ab hoñToñ ko chhūtā huā dariyā koī guzre

un se bhī ilāj-e-ġham pinhāñ nahīñ hogā
kah deñ jo agar un kā shanāsā koī guzre

har dard se bandhe hue rishta koi guzre
qatil koi guzre na masiha koi guzre

aaina ba-har-rah-guzar ban gain aankhen
ek umr se baiThe hain ki tum sa koi guzre

wo tishnagi-e-jaan hai ki sahra ko taras aae
ab honTon ko chhuta hua dariya koi guzre

un se bhi ilaj-e-gham pinhan nahin hoga
kah den jo agar un ka shanasa koi guzre


Source: Funoon(Jadeed Ghazal Number: Volume-002)

Leave a comment

+