merā mālik jab taufīq arzānī kartā hai
gahre zard zamīn kī rañgat dhānī kartā hai

bujhte hue diye kī lau aur bhīgī aañkh ke biich
koī to hai jo ḳhvāboñ kī nigarānī kartā hai

mālik se aur miTTī se aur maañ se bāġhī shaḳhs
dard ke har mīsāq se rū-gardānī kartā hai

yādoñ se aur ḳhvāboñ se aur ummīdoñ se rabt
ho jaa.e to jiine meñ āsānī kartā hai

kyā jaane kab kis saa.at meñ tab.a ravāñ ho jaa.e
ye dariyā be-mausam bhī tuġhyānī kartā hai

dil pāgal hai roz na.ī nādānī kartā hai
aag meñ aag milātā hai phir paanī kartā hai

mera malik jab taufiq arzani karta hai
gahre zard zamin ki rangat dhani karta hai

bujhte hue diye ki lau aur bhigi aankh ke bich
koi to hai jo KHwabon ki nigarani karta hai

malik se aur miTTi se aur man se baghi shaKHs
dard ke har misaq se ru-gardani karta hai

yaadon se aur KHwabon se aur ummidon se rabt
ho jae to jine mein aasani karta hai

kya jaane kab kis saat mein taba rawan ho jae
ye dariya be-mausam bhi tughyani karta hai

dil pagal hai roz nai nadani karta hai
aag mein aag milata hai phir pani karta hai

RECITATIONS Iftikhar Arif



00:00/00:00 mera malik jab taufiq arzani karta hai Iftikhar Arif

Source: Rooh-e-Ghazal,Pachas Sala Intekhab