sunā hai zaḳhmi-e-teġh-e-nigah kā dam nikaltā hai
tirā armān le ai qātil-e-ālam nikaltā hai
na āñkhoñ meñ muravvat hai na jā-e-rahm hai dil meñ
jahāñ meñ bevafā māshūq tum sā kam nikaltā hai
kahā āshiq se vāqif ho to farmāyā nahīñ vāqif
magar haañ is taraf se ek nā-mahram nikaltā hai
mohabbat uTh ga.ī saare zamāne se magar ab tak
hamāre dostoñ meñ bā-vafā ik ġham nikaltā hai
patā qāsid ye rakhnā yaad us qātil ke kūche se
koī nālāñ koī bismil koī be-dam nikaltā hai
suna hai zaKHmi-e-tegh-e-nigah ka dam nikalta hai
tera arman le ai qatil-e-alam nikalta hai
na aankhon mein murawwat hai na ja-e-rahm hai dil mein
jahan mein bewafa mashuq tum sa kam nikalta hai
kaha aashiq se waqif ho to farmaya nahin waqif
magar han is taraf se ek na-mahram nikalta hai
mohabbat uTh gai sare zamane se magar ab tak
hamare doston mein ba-wafa ek gham nikalta hai
pata qasid ye rakhna yaad us qatil ke kuche se
koi nalan koi bismil koi be-dam nikalta hai
RECITATIONS
Nomaan Shauque
00:00/00:00
suna hai zaKHmi-e-tegh-e-nigah ka dam nikalta hai
Nomaan Shauque
Leave a comment