Subscribe to our newsletter and get our newest updates

Govind Gulshan

  • Ghazal


dil mein ye ek Dar hai barabar bana hua


dil meñ ye ek Dar hai barābar banā huā
miTTī meñ mil na jaa.e kahīñ ghar banā huā

ik lafz bevafā kahā us ne phir is ke ba.ad
maiñ us ko dekhtā rahā patthar banā huā

jab āñsuoñ meñ bah ga.e yādoñ ke saare naqsh
ā.ankhoñ meñ kaise rah gayā manzar banā huā

lahro! batāo tum ne use kyuuñ miTā diyā
ḳhvāboñ kā ik mahal thā yahāñ par banā huā

vo kyā thā aur tum ne use kyā banā diyā
itrā rahā hai qatra samundar banā huā

dil mein ye ek Dar hai barabar bana hua
miTTi mein mil na jae kahin ghar bana hua

ek lafz bewafa kaha us ne phir is ke baad
main us ko dekhta raha patthar bana hua

jab aansuon mein bah gae yaadon ke sare naqsh
aaankhon mein kaise rah gaya manzar bana hua

lahro! batao tum ne use kyun miTa diya
KHwabon ka ek mahal tha yahan par bana hua

wo kya tha aur tum ne use kya bana diya
itra raha hai qatra samundar bana hua


Source: Book : Ghazaliyat-e-ahsaan Danish (Pg. 92) Author : Shabnam Parveen Publication : Asghar Publishers (2006) Edition : 2006

Leave a comment

+