Subscribe to our newsletter and get our newest updates

Baqaullah Baqa

  • Ghazal


jab mere dil jigar ki tilisMein banaiyan


jab mere dil jigar kī tilismeñ banā.iyāñ
labrez-e-āb-e-ashk kiiñ āñkhoñ kī khā.iyāñ

dast-e-hinā se phuuT bahā āḳhirash ko ḳhuuñ
kiiñ panja kar ke tujh se jo zor-āzmā.iyāñ

us aañkh se jab aañkh milā.ī to bahr ne
chashm-e-sadaf meñ mauj kī pherīñ salā.iyāñ

kis fitna-e-zamīñ se ye rahtā hai shab do-chār
uḌtīñ haiñ āsmāñ ke jo muñh par havā.iyāñ

us sham.a-rū ne apne shahīdoñ kī juuñ patañg
gaḌne na diiñ zamīn meñ lāsheñ jalā.iyāñ

us qand-lab kī diid se in putliyoñ ko mor
khāveñge zer-e-ḳhāk samajh kar ḳhatā.iyāñ

taḌpe bahut pa jānib-e-sayyād āḳhirash
qullāb-e-ishq kī kashisheñ ham ko lā.iyāñ

tab sūrateñ jo pesh-e-nazar thiiñ so misl-e-ashk
yuuñ gum huiiñ zamīñ meñ ki DhūñDhe na pā.iyāñ

pā kar shifā banafsha-e-ḳhat se vo añkhḌiyāñ
sehhat ke din bhī ḳhuun se mere nahā.iyāñ

maanā na turk-e-chashm ne āḳhir kiyā hī qatl
har-chand dil ne diiñ tire lab kī duhā.iyāñ

dekheñ 'baqā' ki hijr ke aa.e pe kyā bane
apne to hosh uḌ ga.e sun sun adā.iyāñ

jab mere dil jigar ki tilismen banaiyan
labrez-e-ab-e-ashk kin aankhon ki khaiyan

dast-e-hina se phuT baha aaKHirash ko KHun
kin panja kar ke tujh se jo zor-azmaiyan

us aankh se jab aankh milai to bahr ne
chashm-e-sadaf mein mauj ki pherin salaiyan

kis fitna-e-zamin se ye rahta hai shab do-chaar
uDtin hain aasman ke jo munh par hawaiyan

us shama-ru ne apne shahidon ki jun patang
gaDne na din zamin mein lashen jalaiyan

us qand-lab ki did se in putliyon ko mor
khawenge zer-e-KHak samajh kar KHataiyan

taDpe bahut pa jaanib-e-sayyaad aaKHirash
qullab-e-ishq ki kashishen hum ko laiyan

tab suraten jo pesh-e-nazar thin so misl-e-ashk
yun gum huin zamin mein ki DhunDhe na paiyan

pa kar shifa banafsha-e-KHat se wo ankhDiyan
sehhat ke din bhi KHun se mere nahaiyan

mana na turk-e-chashm ne aaKHir kiya hi qatl
har-chand dil ne din tere lab ki duhaiyan

dekhen 'baqa' ki hijr ke aae pe kya bane
apne to hosh uD gae sun sun adaiyan


Leave a comment

+