kyā kyā nahīñ kiyā magar un par asar nahīñ
shāyad ki apnī sa.i-e-junūñ kār-gar nahīñ

ghabrā ke chāhte haiñ ki gardish meñ ham raheñ
manzil kahīñ na ho koī aisā safar nahīñ

mil jaa.e ek raat mohabbat kī zindagī
phir ḳhvāhish-e-hayāt hameñ umr-bhar nahīñ

āvārgī meñ lutf o aziyyat ke bāvajūd
aisā nahīñ huā hai ki fikr-e-sahar nahīñ

kya kya nahin kiya magar un par asar nahin
shayad ki apni sai-e-junun kar-gar nahin

ghabra ke chahte hain ki gardish mein hum rahen
manzil kahin na ho koi aisa safar nahin

mil jae ek raat mohabbat ki zindagi
phir KHwahish-e-hayat hamein umr-bhar nahin

aawargi mein lutf o aziyyat ke bawajud
aisa nahin hua hai ki fikr-e-sahar nahin

RECITATIONS Nomaan Shauque



00:00/00:00 kya kya nahin kiya magar un par asar nahin Nomaan Shauque