yaad meñ apne yār-e-jānī kī
ham ne mar mar ke zindagānī kī

dostoñ ko adū kiyā ham ne
kar ke tārīf yār-e-jānī kī

kyuuñ na rusvā kare zamāne meñ
ye kahānī ġham-e-nihānī kī

ruuh huegī hashr meñ sāhab
ik nishānī sarā-e-fānī kī

ḳhāksārī se baḌh gayā insāñ
arz par sair āsmānī kī

zard sūrat pe hijr meñ na hañso
sharh hai rañg-e-zāfrānī kī

aaj kal lucknow meñ ai 'aḳhtar'
dhuum hai terī ḳhush-bayānī kī

yaad mein apne yar-e-jaani ki
hum ne mar mar ke zindagani ki

doston ko adu kiya hum ne
kar ke tarif yar-e-jaani ki

kyun na ruswa kare zamane mein
ye kahani gham-e-nihani ki

ruh huegi hashr mein sahab
ek nishani sara-e-fani ki

KHaksari se baDh gaya insan
arz par sair aasmani ki

zard surat pe hijr mein na hanso
sharh hai rang-e-zafrani ki

aaj kal lucknow mein ai 'aKHtar'
dhum hai teri KHush-bayani ki

RECITATIONS Nomaan Shauque



00:00/00:00 yaad mein apne yar-e-jaani ki Nomaan Shauque