Subscribe to our newsletter and get our newest updates

Ehsan Danish

  • Ghazal


shab KHumar-e-husn-e-saqi hairat-e-mai-KHana tha


shab ḳhumār-e-husn-e-saqī hairat-e-mai-ḳhāna thā
aap hī mai aap hī ḳhum aap hī paimāna thā

ka.aba-o-dair kalīsā meñ abas DhūñDā kiye
dil kā har gosha maqām-e-jalva-e-jānāna thā

rañg laayā hai barā-e-dīda-e-anjām jo
sham.a har har zarra-e-ḳhāk-e-par-e-parvāna thā

ḳhāmī-e-zauq-e-nazar thī varna ai nākām-e-ishq
zarre zarre se numāyāñ jalva-e-jānāna thā

phir vahī saut-e-tarab-afzā bane firdaus-e-gosh
jis se ik aalam shahīd-e-naġhma-e-mastāna thā

diid ke qābil tamāshā thā ye hañgām-e-sahar
sham.a kā har saañs mahv-e-mātam-e-parvāna thā

fitna-e-mazhab bhī ḳhud-bīnī kā ik andāz hai
varna kis ko imtiyāz-e-masjid-o-but-ḳhāna thā

shab KHumar-e-husn-e-saqi hairat-e-mai-KHana tha
aap hi mai aap hi KHum aap hi paimana tha

kaba-o-dair kalisa mein abas DhunDa kiye
dil ka har gosha maqam-e-jalwa-e-jaanana tha

rang laya hai bara-e-dida-e-anjam jo
shama har har zarra-e-KHak-e-par-e-parwana tha

KHami-e-zauq-e-nazar thi warna ai nakaam-e-ishq
zarre zarre se numayan jalwa-e-jaanana tha

phir wahi saut-e-tarab-afza bane firdaus-e-gosh
jis se ek aalam shahid-e-naghma-e-mastana tha

did ke qabil tamasha tha ye hangam-e-sahar
shama ka har sans mahw-e-matam-e-parwana tha

fitna-e-mazhab bhi KHud-bini ka ek andaz hai
warna kis ko imtiyaz-e-masjid-o-but-KHana tha


Source: Book : Range-e-Gazal (Pg. 176) Author : shahzaad ahmad Publication : Ali Printers, 19-A Abate Road, Lahore (1988) Edition : 1988

Leave a comment

+