Subscribe to our newsletter and get our newest updates

Urmila Madhav

  • Ghazal


jaane kis kis ne hamein takid ki


jaane kis kis ne hameñ tākīd kī
kyuuñ nahīñ dekhī chamak ḳhurshīd kī

jabki ehsās-e-raqābat ho gayā
kis se tab ummīd ho tā.īd kī

sab chamak se hī agar mansūb thā
sab se behtar thī chamak nāhīd kī

ḳhūbsūrat zindagī nairañg hai
ham ne kab us se koī ummīd kī

jab taġhāful kā irāda kar liyā
kaun kartā fikr ḳhair o diid kī

jaane kis kis ne hamein takid ki
kyun nahin dekhi chamak KHurshid ki

jabki ehsas-e-raqabat ho gaya
kis se tab ummid ho taid ki

sab chamak se hi agar mansub tha
sab se behtar thi chamak nahid ki

KHubsurat zindagi nairang hai
hum ne kab us se koi ummid ki

jab taghaful ka irada kar liya
kaun karta fikr KHair o did ki


Leave a comment

+