Subscribe to our newsletter and get our newest updates

Vikas Joshi Wahid

  • Ghazal


ghamon se bashar ko riha dekhna


ġhamoñ se bashar ko rihā dekhnā
sulagtī koī jab chitā dekhnā

guzarnā aqīdat se kuchh is tarah
ki patthar meñ apnā ḳhudā dekhnā

ye karnā duā ki lage na nazar
shajar jab koī tum harā dekhnā

na ho mutma.in sauñp kar kashtiyāñ
Dubo de na ye nāḳhudā dekhnā

bulandī pe ḳhud ko bhī paanā kabhī
samay kī badaltī adā dekhnā

hai mumkin natīja judā.ī bhī ho
magar ishq kī ibtidā dekhnā

na jaane ghaḌī kaun ho āḳhirī
hue farz saare adā dekhnā

ghamon se bashar ko riha dekhna
sulagti koi jab chita dekhna

guzarna aqidat se kuchh is tarah
ki patthar mein apna KHuda dekhna

ye karna dua ki lage na nazar
shajar jab koi tum hara dekhna

na ho mutmain saunp kar kashtiyan
Dubo de na ye naKHuda dekhna

bulandi pe KHud ko bhi pana kabhi
samay ki badalti ada dekhna

hai mumkin natija judai bhi ho
magar ishq ki ibtida dekhna

na jaane ghaDi kaun ho aaKHiri
hue farz sare ada dekhna


Leave a comment

+