Subscribe to our newsletter and get our newest updates

Jahan Ara Tabassum

  • Ghazal


KHwahish-e-wasl to be-kar nahin kar sakta


ḳhvāhish-e-vasl to be-kār nahīñ kar saktā
vo mirī diid se inkār nahīñ kar saktā

ek maiñ huuñ ki tujhe pyaar bahut kartī huuñ
ek tū hai ki ye iqrār nahīñ kar saktā

vaqt se aage nikalne kī tamannā hai mujhe
tez to paañv kī raftār nahīñ kar saktā

tū mire pyaar meñ da.ave to bahut kartā hai
barmalā pyaar kā iz.hār nahīñ kar saktā

kuchh bhī kar saktā hai lekin vo mirā dushman-e-jāñ
piiTh pīchhe vo kabhī vaar nahīñ kar saktā

dekh sohnī kī tarah tujh ko bhī degā ye daġhā
ye ghaḌā tujh ko nadī paar nahīñ kar saktā

jo mujhe roz ye kahtā hai 'tabassum' hai mirī
vo mirā dāman-e-dil taar nahīñ kar saktā

KHwahish-e-wasl to be-kar nahin kar sakta
wo meri did se inkar nahin kar sakta

ek main hun ki tujhe pyar bahut karti hun
ek tu hai ki ye iqrar nahin kar sakta

waqt se aage nikalne ki tamanna hai mujhe
tez to panw ki raftar nahin kar sakta

tu mere pyar mein dawe to bahut karta hai
barmala pyar ka izhaar nahin kar sakta

kuchh bhi kar sakta hai lekin wo mera dushman-e-jaan
piTh pichhe wo kabhi war nahin kar sakta

dekh sohni ki tarah tujh ko bhi dega ye dagha
ye ghaDa tujh ko nadi par nahin kar sakta

jo mujhe roz ye kahta hai 'tabassum' hai meri
wo mera daman-e-dil tar nahin kar sakta


Leave a comment

+