Subscribe to our newsletter and get our newest updates

Tahzeeb Hafi

  • Ghazal


na nind aur na KHwabon se aankh bharni hai


na niiñd aur na ḳhvāboñ se aañkh bharnī hai
ki us se ham ne tujhe dekhne kī karnī hai

kisī daraḳht kī hiddat meñ din guzārnā hai
kisī charāg kī chhāñv meñ raat karnī hai

vo phuul aur kisī shāḳh par nahīñ khulnā
vo zulf sirf mire haath se sañvarnī hai

tamām nāḳhudā sāhil se duur ho jaa.eñ
samundaroñ se akele meñ baat karnī hai

hamāre gaañv kā har phuul marne vaalā hai
ab us galī se vo ḳhushbū nahīñ guzarnī hai

tire ziyāñ pe maiñ apnā ziyāñ na kar baiThūñ
ki mujh murīd kā murshid 'uvais-qarnī' hai

na nind aur na KHwabon se aankh bharni hai
ki us se hum ne tujhe dekhne ki karni hai

kisi daraKHt ki hiddat mein din guzarna hai
kisi charag ki chhanw mein raat karni hai

wo phul aur kisi shaKH par nahin khulna
wo zulf sirf mere hath se sanwarni hai

tamam naKHuda sahil se dur ho jaen
samundaron se akele mein baat karni hai

hamare ganw ka har phul marne wala hai
ab us gali se wo KHushbu nahin guzarni hai

tere ziyan pe main apna ziyan na kar baiThun
ki mujh murid ka murshid 'uwais-qarni' hai


Source: Book : Range-e-Gazal (Pg. 143)

Leave a comment

+