Warning: session_start(): open(/tmp/sess_j2vi1ucj1csl9dgea7sf4q7k57, O_RDWR) failed: No space left on device (28) in /razi/eraazi/darbari/chunmun/index.php on line 15
watan ko kuchh nahin KHatra nizam-e-zar hai KHatre mein

Subscribe to our newsletter and get our newest updates

Habib Jalib

  • Ghazal


watan ko kuchh nahin KHatra nizam-e-zar hai KHatre mein


vatan ko kuchh nahīñ ḳhatra nizām-e-zar hai ḳhatre meñ
haqīqat meñ jo rahzan hai vahī rahbar hai ḳhatre meñ

jo baiThā hai saf-e-mātam bichhā.e marg-e-zulmat par
vo nauhagar hai ḳhatre meñ vo dānish-var hai ḳhatre meñ

agar tashvīsh lāhaq hai to sultānoñ ko lāhaq hai
na terā ghar hai ḳhatre meñ na merā ghar hai ḳhatre meñ

jahāñ 'iqbāl' bhī nazr-e-ḳhat-e-tansīḳh ho 'jālib'
vahāñ tujh ko shikāyat hai tirā jauhar hai ḳhatre meñ

watan ko kuchh nahin KHatra nizam-e-zar hai KHatre mein
haqiqat mein jo rahzan hai wahi rahbar hai KHatre mein

jo baiTha hai saf-e-matam bichhae marg-e-zulmat par
wo nauhagar hai KHatre mein wo danish-war hai KHatre mein

agar tashwish lahaq hai to sultanon ko lahaq hai
na tera ghar hai KHatre mein na mera ghar hai KHatre mein

jahan 'iqbaal' bhi nazr-e-KHat-e-tansiKH ho 'jalib'
wahan tujh ko shikayat hai tera jauhar hai KHatre mein


Source: Book : Aazadi ke baad dehli men urdu gazal (Pg. 298)

Leave a comment

+