ye us kī niiñd ko kyā ho gayā hai
mirī āñkhoñ meñ shab bhar jāgtā hai

yahāñ kaise raheñ mahfūz chehre
yahāñ TuuTā huā har aa.ina hai

yaqīñ is baat kā ab tak nahīñ hai
ki merī pyaas se dariyā baḌā hai

dimāġh-o-dil haiñ pahre-dār jaise
jo ik so.e to duujā jāgtā hai

ye us ki nind ko kya ho gaya hai
meri aankhon mein shab bhar jagta hai

yahan kaise rahen mahfuz chehre
yahan TuTa hua har aaina hai

yaqin is baat ka ab tak nahin hai
ki meri pyas se dariya baDa hai

dimagh-o-dil hain pahre-dar jaise
jo ek soe to duja jagta hai