Subscribe to our newsletter and get our newest updates

Nadim Nadeem

  • Ghazal


kya KHabar kis ko kab kahan de de


kyā ḳhabar kis ko kab kahāñ de de
aur de de to do jahāñ de de

hai yahī ishq kī namāz kā vaqt
hijr uTh jā zarā azaañ de de

ye jo bachche havā meñ kūdte haiñ
in ke hāthoñ meñ āsmāñ de de

kab talak zindagī safar meñ rahe
qabr hī de de par makāñ de de

phuul kitne udaas lagte haiñ
ai ḳhudā in ko titliyāñ de de

ye mire haq meñ bol sakte haiñ
pattharoñ ko ḳhudā zabāñ de de

kya KHabar kis ko kab kahan de de
aur de de to do jahan de de

hai yahi ishq ki namaz ka waqt
hijr uTh ja zara azan de de

ye jo bachche hawa mein kudte hain
in ke hathon mein aasman de de

kab talak zindagi safar mein rahe
qabr hi de de par makan de de

phul kitne udas lagte hain
ai KHuda in ko titliyan de de

ye mere haq mein bol sakte hain
pattharon ko KHuda zaban de de


Leave a comment

+